Iker Ozkoidi

argazki gehiago+

Iker Ozkoidi (Iruña, 1979) lehiaketako musher trebatuenetakoa da. Kirolari nafar honek Pirenako azken edizioa irabazi du, eta 2007an Europako ESDRA txapelketan bigarren izan zen. 11 urte zituela hasi zen kirol horretan aitaren eskutik, eta ordutik aurrera Pirenako ohiko parte-hartzailea da. Bertan, 2009ko amaierako garaipena lortzeaz gain, 2005ean bigarren postua eskuratu zuen, eta 2004an laugarrena.

Gaur egun, Ozkoidik Iruña, Norvegia eta Suedia artean entrenatzen du, eta hamalau txakur ditu bere agindupean.

Erlazionatutako albisteak...

2010-01-17

Iker Orkoidi urtarrilean 24an hasiko den Pirena lasterketan iazko garaipena errepikatzeko prest

Iker Orkoidi Ternuako musherra urtarrilaren 24an Aragoiko La Partacua-Nieven hasiko den Pirena lasterketan iazko garaipena errepikatzeko prest dago. Iruindarra ibilbide bikaina osatzen ari da azken urteetan, eta gaur egun kirol honetako elitean kokaturik dagoela esan daiteke. Iazko Pirena irabazteaz gain, 2005eko edizioan bigarren gelditu zen, eta bigarren, baita ere 2007ko Europako ESDRA Txapelketan.

+ irakurri

2010-01-29

Iker Ozkoidi, bigarren sailkapenean zazpigarren etaparen ostean

Gaes taldeko Tom Andres izan zen, asteazkenean, Montgarriko gaueko etapako garailea. 17 kilometro egin ostean, alemaniar honek 2´31ko abantaila atera zion bigarren postua lortu zuen Kjetil Hillestad-i (Catalunya Neu) eta hirugarren gelditu zen Iker OzKoidiri aldiz, 3´03koa. Advance Sari Handiko ibilbiderik ezagunenetariko honetan bai musher-ek baita txakurrek ere, elurraren eta eguraldiaren egoera ezinhobeaz gozatu ahal izan zuten.

+ irakurri

2010-02-11

Iker Ozkoidi, bigarrena Pirena lasterketan

Iker Ozkoidi sailkapen orokorreko bigarren postuan gelditu da Pirena lasterketa, joan den larunbatean La Molinan (Girona) bukatu zena. Ternuak laguntzen duen musher naparra Tom Andres alemaniarren atzetik gelditu da, 33 minutura, eta Pfeifer txekiarraren aurretik, 7 minutuko aldearekin. Esan beharra dago Andres jaun eta jabe izan dela aurtengo Pirenan, 13 etapatik 12etan irabazi baitu.

+ irakurri